1 (11)

පෞද්ගලික වෛද්‍ය විද්‍යාල සම්බන්ධයෙන් මතුව ඇති ගැටලූවට සියලූ දෙනාට පිළිගත හැකි සාධාරණ විසදුමක් ලබාදීමට මේ වන විට රජය අදාළ සියලූ පාර්ශවයන් සමග සාකච්ඡුා කරමින් සිටින බව පැවසූ ජනාධිපතිතුමා ගැටලූ ඇත්නම් ඒවා විසදන තුරු අධ්‍යාපනය කඩාකප්පල් කර නොගන්නැයි තමා සියලූ විශ්ව විද්‍යාල ශිෂ්‍ය සංගම්වලින් ඉල්ලා සිටින බව කියා සිටියේය.පෞද්ගලික වෛද්‍ය විද්‍යාල සම්බන්ධයෙන් ජනාධිපතිතුමා සහ විශ්ව විද්‍යාල ශිෂ්‍ය සංගම් නියෝජිතයින් අතර සාකච්ඡුාවක් අද (16) පෙරවරුවේ ජනාධිපති කාර්යාලයේ දී පැවැත්වුණු අතර එහිදී ජනාධිපතිතුමා මේ බව ප‍්‍රකාශ කළේය.මෙම ගැටලූවට විසදුම් ලබාගැනීම සදහා ඉදිරිපත් කළ හැකි යෝජනා පිළිබදව මෙහිදී ශිෂ්‍ය සංගම් නියෝජිතයින් දීර්ඝ වශයෙන් තම අදහස් ඉදිිරිපත් කළහ.

ශිෂ්‍ය සංගම්, පීඨාධිපතිවරුන්, ශී‍්‍ර ලංකා වෛද්‍ය සභාව, විශ්ව විද්‍යාල ප‍්‍රතිපාදන කොමිසන් සභාව මෙන්ම මාලබේ පෞද්ගලික වෛද්‍ය විද්‍යාලයේ පාලන අධිකාරිය ඇතුළු සියලූ පාර්ශවයෙන්ගේ අදහස් විමසීමෙන් අනතුරුව මෙම ගැටලූව විසදීමට ඉදිරියේදී රජය පියවර ගන්නා බව ජනාධිපතිතුමා වැඩිදුරටත් සදහන් කළේය.පසුගිය රජය සමයේ ද මෙම පෞද්ගලික වෛද්‍ය විද්‍යාල සම්බන්ධයෙන් තම විරෝධය පළ කළ බව පැවසූ ශිෂ්‍ය සංගම් නියෝජිතයින් පැවති රජයේ අවධානය ඒ කෙරෙහි යොමු නොවූ බවත් රටේ නිදහස් අධ්‍යාපනය ශක්තිමත් කිරීම වෙනුවෙන් වත්මන් රජය මෙම ගැටලූවට සාධාරණ විසදුමක් ලබාදෙනු ඇතැයි අපේක්ෂා කරන බවත් වැඩිදුරටත් කියා සිටියහ.

ජනාධිපතිතුමා මේ පිළිබදව පසුගියදා රජයේ වෛද්‍ය නිළධාරින්ගේ සංගමයේ හා රජයේ දන්ත වෛද්‍ය නිලධාරින්ගේ සංගමයේ නියෝජිතයින් සමග ද සාකච්ජා කර අදහස් ලබා ගන්නා ලදී.

 

© 2017 - ශ්‍රී ලංකා ජනාධිපති කාර්යාලය