6

බෞද්ධ දර්ශනය තුළ ගැටුම්වලට හා දුගී බවට විසදුම් ලබාදී තිබෙන බවත්, මහනුවර ප‍්‍රකාශනයෙන් එකග වූ කරුණු සාක්ෂාත් කර ගැනීමට කැපවීමෙන් තිරසර සංවර්ධනය සහ තිරසර සාමය පිළිබද අරමුණු ඉටුකර ගනිමින් බොහෝ අන්තර්ජාතික ගැටලූ සදහා විසදුම් ලබාගැනීමට හැකි වන බවත් ජනාධිපති ගරු මෛතී‍්‍රපාල සිරිසේන මැතිතුමා පැවසීය.

ජනාධිපතිතුමා අවධාරණය කළේ ඒ සදහා සියලූදෙනා කැපවිය යුතු බවයි. මහනුවර ප‍්‍රකාශනයේ සදහන් පරිදි බෞද්ධ රටවල ඒකාබද්ධ වූ වැඩසටහනක් සදහා නායකත්වය ලබාදෙන බව ද ජනාධිපතිතුමා සදහන් කළේය.

ජනාධිපති ගරු මෛතී‍්‍රපාල සිරිසේන මැතිතුමා මේ බව ප‍්‍රකාශ කළේ අද (14) පස්වරුවේ මහනුවර, ඓතිහාසික දළදා මාළිගාව පරිශ‍්‍රයේ පැවති එක්සත් ජාතින්ගේ 14 වැනි ජාත්‍යන්තර වෙසක් දින සැමරුම් උළෙලේ සමාප්ති උත්සවය අමතමිනි. මෙහි ප‍්‍රධාන ආරාධිත අමුත්තා ලෙස නේපාල ජනාධිපතිනි බිද්‍යා දේවි බණ්දාරි මැතිණිය එක් වූවාය.

ලොව බෞද්ධ රටවල් 72 ක පමණ විශේෂ නියෝජිතයින් මෙම උත්සවයට එක්ව සිටී අතර බෞද්ධ දර්ශනය ප‍්‍රවර්ධනය වෙනුවෙන් සහ ලොව පවතින ගැටලූවලට බෞද්ධ දර්ශනයෙන් ලබාදෙන විසදුම් ප‍්‍රායෝගික කර ගැනීම සදහා ජාත්‍යන්තරව ගෙන යා යුතු වැඩපිළිවෙළ අතුළත් යෝජනාවලිය වූ මහනුවර ප‍්‍රකාශනය එළිදැක්වීම ද මෙහිදී සිදුකෙරිණි.

ලොව පුරා වෙසෙන බෞද්ධ ජනතාව ඒකරාශි කර ගනිමින් බෞද්ධ සංවිධානයක් පිිහිටුවිමට ප‍්‍රමාදයකින් තොරව කටයුතු කිරීම, අධ්‍යාත්මික හර පද්ධතින් යටපත් කරමින් මතුවන භෞතිකවාදය හේතුවෙන් මානව සමාජය තුළ සිදුවෙමින් පවතින බරපතළ විනාශයෙන් සහ ඉදිරියේදී ඇතිවන ව්‍යසනයන්ගෙන් සියලූ සත්වයන් මෙන්ම පරිසරය ආරක්ෂා කර ගැනීම, තරුණ පරම්පරාව මත්ද්‍රව්‍යවලට ඇබ්බැහිවීමේ ප‍්‍රවණතාවය සැලකිල්ලට ගනිමින් එහි ඇති අන්තරාදායක බව සහ ප‍්‍රතිවිපාක පිළිබද දැනුවත් කිරීම මගින් ඔවුන්ගේ ජීවිත සුරක්ෂිත කිරීම, මානවයා තුළ තිබිය යුතු සාරධර්ම සහ අධ්‍යාත්මික ගුණාංග පිරිහීමට පත්වෙමින් පවතින හෙයින් නැවත එම සාරධර්ම හා අධ්‍යාත්මික ගුණවගාවන්ගෙන් හෙබි ධාර්මික ජීවිත ගත කිරීමට මාර්ගෝපදේශන සැපයිය හැකි මාධ්‍ය ජාලයක් තුළින් බෞද්ධ දර්ශනය ප‍්‍රචලිත කිරීම, ලොව තුළ දිගුකාලීනව පවතින අන්තර් ආගමික සහජීවනය පවත්වාගෙන යාමෙහිලා පවතින ප‍්‍රමුඛ වගකීම ඉටුකිරීම ඇතුළු කරුණු 09 ක් මෙම මහනුවර ප‍්‍රකාශයට ඇතුළත්ය.

නේපාල ජනාධිපතිනි බිද්‍යා දේවි බන්දාරි මැතිණිය ද සමාප්ති උත්සවය ඇමතුවාය.නේපාල ජනාධිපතිනියගේ සම්ප‍්‍රාප්තිය සනිටුහන් කරමින් ජනාධිපතිතුමා විසින් එතුමිය වෙත සමරු තිළිණයක් පිළිගැන්වීය.

මල්වතු, අස්ගිරි උභය විහාරයීය මහානායක ස්වාමින් වහන්සේලා ප‍්‍රමුඛ ත්‍රෛනිකායික මහා සංඝරත්නය ද, කථානායක කරූ ජයසූරිය මහතා සහ මැති ඇමතිවරු ඇතුළු සම්භාවනීය ආරාධිත පිරිසක් සහ බෞද්ධ රටවල නියෝජතයින් මෙම සමාප්ති උත්සවයට එක්ව සිටියහ.
3

4

5

9

11

13

14

15

16

17

12

 

© 2017 - ශ්‍රී ලංකා ජනාධිපති කාර්යාලය